14 сакавіка ў нашай школе прайшоў Дзень здароўя. Для навучэнцаў пачатковых класаў былі арганізаваны эстафеты, падчас якіх яны праявілі свае лідарскія якасці, камандны дух, спартыўную рызыку і ўзаемадапамогу. Навучэнцы старэйшых класаў прынялі ўдзел у міні-футболе і баскетболе. У перапынку паміж спартыўнымі мерапрыемствамі рабяты паўдзельнічалі ў пазакласных мерапрыемствах, а менавіта ў пазнавальнай праграме «Формула здароўя» для навучэнцаў (2-6 класаў) і інтэлектуальна-пазнавальнай гульні «Калі хочаш быць здаровым» для навучэнцаў (7-10 класаў). Падчас мерапрыемтсваў рабяты ў форме гульні ўспомнілі правілы здаровага ладу жыцця і даведаліся некаторыя новыя і цікавыя факты.