Завоссе - месца, добра знаёмы беларусам, якія цікавяцца гісторыяй роднага краю. Нягледзячы на аддаленае размяшчэнне і невялікія памеры, вёска Завоссе вядомая не толькі ў нашай краіне, але і далёка за яе межамі. А ўсё таму, што тут нарадзіўся адзін з найвялікшых геніяў чалавецтва - паэт Адам Міцкевіч.

Вучні нашай школы наведалі літаратурна-музычны фестываль "Восень у Завоссе". Праграма свята была насычаная, разлічаная на розны густ і ўзрост - займальныя лекцыі, цікавыя экскурсіі па сядзібе, выступленні літаратараў, праграма мастацкай самадзейнасці, бібліятэчная пляцоўка, мастацкі пленэр, выставы, квэсты, гульні і майстар-класы.