14 кастрычніка - Дзень маці! Свята, які немагчыма прапусціць, таму што гэта цудоўная нагода, каб у чарговы раз выказаць словы падзякі і любові самаму роднаму і любімаму чалавеку ў жыцці кожнага з нас - маці.

Валанцёры атрада "Рабі Дабро!", моладзь пярвічкі ГА "БРСМ" нашай школы аформілі тэматычную выставу "Мама - гэта жыццё..." і віншуюць усіх мам са святам. Навучэнцы пачатковай школы прынялі ўдзел у выставе малюнкаў "Букет для мамы", а таксама ў рабоце творчых майстэрняў "Падарунак матулі". Быць мамай-гэта і вялікае шчасце, і вялікая, адказнасць, і цяжкая праца. Жадаем усім мамам здароўя, бадзёрасці і энергіі! З Днём маці, мілыя жанчыны!