У рамках шостага школьнага дня ў ДУА «Крошынская сярэдняя школа» Баранавіцкага раёна праведзены мерапрыемствы: конкурсная праграма «Школа – тэрыторыя здароўя» для вучняў 2-4 класаў, турнір «Здаровы я – здаровая краіна» для вучняў 5-8 класаў. На кожным этапе (рэжым дня, гартаванне, ЗЛЖ, правільнае харчаванне, прафілактыка COVID-19) рабяты абмяркоўвалі важнасць захавання ўсіх часовых межаў кожнага дня (рэжыму) і іх наступствы, складалі свой асабісты рэжым дня, успаміналі прыказкі, дэманстравалі наглядна спосабы барацьбы з COVID-19. Таксама навучэнцы замацавалі веды пра здароўе, пашырылі кругагляд па дадзенай тэме, сфармавалі актыўную жыццёвую пазіцыю, і навучыліся прымяняць атрыманыя веды на практыцы.