Шосты школьны дзень прайшоў насычана і цікава: у сценах школы праводзіліся мерапрыемствы, накіраваныя на працоўнае выхаванне і прафесійную арыентацыю навучэнцаў, працавалі гурткі і аб'яднанні па інтарэсах.

Настаўнікі падрыхтавалі і правялі наступныя мерапрыемствы: дыспут «Навуковыя дасягненні: учора, сёння, заўтра» (5-7 кл.), кругавая гутарка «Прафесіі маіх бацькоў» (1-3 кл.), поле цудаў «Карнавал прафесій» (4-6 кл.), пазнавальная праграма «Сучасныя тэхналогіі» (7-9 кл.) дзякуючы якім рабяты даведаліся, што ў сучасным свеце існуе больш за 50 тысяч прафесій, а падрыхтаваныя прэзентацыі «распавялі» дзецям аб самых запатрабаваных прафесіях у нашай краіне.