У рамках абласной прафілактычнай акцыі "Бяспечная дарога для юных удзельнікаў дарожнага руху!"у школе адбылася сустрэча з інспектарамі ДПС АДАІ Баранавіцкага РАУС Фурса Сяргеем Міхайлавічам і Вярбіла Віталем Мікалаевічам. Дзецям нагадалі аб неабходнасці выкарыстання святловяртальных элементаў у цёмны час сутак, бяспечнай перавозкі ў аўтамабілях, праездзе непаўналетніх да 14 гадоў на роварах без суправаджэння дарослых на дарогах. Асаблівую ўвагу звярнулі на правілы паводзін на дарозе, у грамадскім транспарце, абавязкі і адказнасць пешаходаў і веласіпедыстаў.