У рамках адукацыйнай экскурсіі навучэнцы нашай школы наведалі дом-музей Тадэвуша Касцюшкі.

Сядзіба ўяўляе сабой дом у два яруса, пакрыты чаротавым дахам, у ім 8 пакояў. Мемарыяльная частка, якая ўключае 5 пакояў - сенцы, кухню, гасціную, пакой маці і рабочы кабінет бацькі Касцюшкі — адноўлена па ўзоры шляхецкага дома і абстаўлена мэбляй XVIII—XIX стагоддзяў. У гістарычнай частцы, пад якую аддзелены адзін пакой, знаходзяцца матэрыялы археалагічных раскопак 2003 года, манеты, медалі, грашовыя банкноты з партрэтам Касцюшкі, герб і генеалагічнае дрэва роду Касцюшкі, зброя сялян-паўстанцаў — косы касіянераў.

Экскурсія прайшла ў займальнай форме. Рабяты ўбачылі дзіўныя па прыгажосці і гістарычнай спадчыне месцы.