Новы год – самае любімае, добрае, казачнае свята, якое ўсё з нецярпеннем чакаюць. Але ніхто так шчыра не чакае навагодняга цуду, чароўных ператварэнняў і прыгод, як навучэнцы пачатковых класаў.

23 снежня ў нашай школе быў праведзены навагодні ранішнік. З самага пачатку прадстаўлення казачныя героі захапілі дзяцей у чароўны свет казкі. Рабяты змаглі акунуцца ў святочную атмасферу прыгод, паўдзельнічаць у цікавых конкурсах. Са з'яўленнем Дзеда Мароза пачалося сапраўднае свята з песнямі і танцамі, карагодамі вакол елкі, чытаннем вершаў.