Аздараўленчы лагер “Сонейка”. Дзень трэці.
28 снежня – Дзень прыроды “Падарожжа ў зімовы лес”. Дэвіз дня: “Прырода наш дом і мы гаспадары ў ім!” Колер сняжынкі – сіні.
Сёння дзеці ажыццявілі завочнае падарожжа ў зімовы лес. Пабывалі ў ролі турыстаў , успомнілі правілы паводзін у прыродзе, сістэматызавалі веды аб жыхарах лесу, вучыліся берагчы ўсё жывое вакол нас. “Праехаліся” на чароўным поездзе “Зімовы экспрэс” у краіну Зімы – зімушкі, пераадольваючы перашкоды і дапамагаючы жыхарам казачнай краіны падрыхтавацца да Новага году. Кожны з рабят змог прадэманстраваць свае творчыя і акцёрскія здольнасці, кемлівасць, спрытнасць і зарадзіцца чарговай порцыяй добрага настрою.