Аздараўленчы лагер “Сонейка”. Дзень пяты.
30 снежня – Дзень кнігі “У гасцях у казкі”. Дэвіз дня: “Казка- у жыцці падказка” Колер сняжынкі – салатавы.
Сёння дзеці наведалі Крошынскую сельскую бібліятэку. У ходзе экскурсіі дзеці пазнаёміліся з кніжным фондам бібліятэкі, тэматычнымі выставамі, пачыталі дзіцячыя часопісы, пагулялі ў літаратурныя гульні. Бібліятэкар правяла для рабят пазнавальна- забаўляльную праграму па казках “Казка зімовая побач”. Хлопчыкі і дзяўчынкі ўспомнілі назвы казак аб зіме і іх аўтараў, казачных герояў, аналізавалі, чаму вучыць кожная казка. Кожны з рабят намаляваў на занятках у творчай майстэрні свайго любімага казачнага персанажа, а затым па чарзе прадстаўляў, а астатнія адгадвалі. Было смешна і весела. Завіталі ў госці да Алфавіта, актыўна рухаліся, бегалі, скакалі падчас спартыўнай гадзіны “Гуляй- не пазяхай!”