У рамках месячніка па грамадзянска-патрыятычнаму выхаванню традыцыйна 8 лютага ў ДУА «Крошынская сярэдняя школа» Баранавіцкага раёна прайшоў піянерскі збор «8 лютага - Дзень юнага героя-антыфашыста». Падчас урачыстай часткі піянеры дружыны імя Паўлюка Багрыма ўспомнілі старонкі гісторыі Вялікай Айчыннай вайны, яшчэ раз назвалі піянераў-герояў, якія мужна змагаліся супраць фашыстаў і цаной уласнага жыцця заваёўвалі мір для будучых пакаленняў, ушанавалі хвілінай маўчання ўсіх тых, хто не вярнуўся, хто застаўся на палях бітваў, памёр ад холаду і голаду, памёр ад атрыманых ран.
Спіс піянераў-герояў налічвае сотні імёнаў. Мы згадалі толькі аб нямногіх з тых, хто, не дажыўшы да свайго паўналецця, аддаў жы жыццё ў барацьбе з ворагам, ахвяраваў сабой дзеля Перамогі. І колькі гадоў і дзесяцігоддзяў не прайшло, людзі зямлі зноў і зноў будуць вяртацца да Перамогі.