13 лютага ў школе адбылося адкрыццё Тыдня здаровага харчавання.

Калі вы хочаце, каб ваша харчаванне было правільным, то вам варта ўключыць у ваш лад жыцця простыя і карысныя правілы, пра якія мы будзем расказваць на працягу тыдня. Сёння навучэнцы 5-8 класаў глядзелі і абмяркоўвалі відэаролікі аб правільным харчаванні. Вучні пачулі і ўбачылі, што ў правільным харчаванні неабходна разнастайнасць: крыху мяса, шмат гародніны, садавіны, рыбы і прадуктаў з мукі грубага памолу. Гэта дае арганізму ўсе пажыўныя і неабходныя для жыцця рэчывы, у якіх ён мае патрэбу. Але важна яшчэ не толькі ўжываць якасную, здаровую ежу, але і рабіць гэта па ўсіх правілах.