Сёння, 15 сакавіка 2023 года, наша краіна святкуе Дзень Канстытуцыі Рэспублікі Беларусь. Канстытуцыя Рэспублікі Беларусь вызначае дзяржаўны і грамадскі лад Беларусі, прававы статус чалавека, яго ўзаемаадносіны з дзяржавай і грамадствам, выконвае шэраг іншых функцый.
Традыцыйна ў гэты дзень у нашай школе прайшла акцыя "Мы - грамадзяне Рэспублікі Беларусь". Вучні, якія дасягнулі 14 гадоў, у рамках акцыі акрамя пашпарта грамадзяніна Рэспублікі Беларусь атрымалі падарунак Прэзідэнта нашай краіны – кнігу «Я – грамадзянін Рэспублікі Беларусь».
Віншуем навучэнцаў. Няхай цяперашняе свята кожнаму надасць сіл і ўпэўненасці ў дасягненні пастаўленых мэт на карысць роднай Айчыны.