24 красавіка ў рамках дэкады "Чарнобыль - захоўваючы памяць" у ДУА "Крошынская сярэдняя школа" Баранавіцкага раёна прайшлі пазнавальная праграма "Экалагічная граматыка "і дакументальны агляд"Як гэта было 26 красавіка 1986 года".

Падчас пазнавальнай праграмы "Экалагічная граматыка" навучэнцы здзейснілі падарожжа па старонках Чырвонай кнігі, паўсталі ў ролі юных эколагаў і склалі правілы бяспечных паводзін у лесе, разгадвалі крыжаванку, разважалі пра тое, як і для чаго трэба берагчы і ахоўваць прыроду, клапаціцца аб экалогіі. Таксама навучэнцы ўспомнілі старонкі трагедыі на Чарнобыльскай АЭС, даведаліся аб прычынах і наступствах гэтай трагедыі, а таксама зрабілі высновы аб недапушчальнасці яе паўтарэння.