На базе нашай школы адбылося выязное пасяджэнне суда, на якім прысутнічалі галоўны суддзя Кміта Мікалай Аляксеевіч, работнік пракуратуры Пасемка Святлана Аляксандраўна, кіраўніцтва школы, педагогі, участковыя інспектары Баранавіцкага РАУС і навучэнцы.
Судом Баранавіцкага раёна і г.Баранавічы была разгледжана крымінальная справа ў здзяйсненні злачынства , прадугледжанага ч. 1 арт. 205 КК РБ. Трэба адзначыць, што падсудны прызнаў сваю віну, але, на жаль, не першы раз парушае закон у стане алкагольнага ап'янення. Суд прызнаў вінаватым абвінавачанага.
Такія мерапрыемствы вельмі карысныя для падлеткаў, бо яны змаглі ўбачыць наяве, якое гэта - быць падсудным.
Рабяты атрымалі шмат цікавай і карыснай інфармацыі, і ў іх, безумоўна, засталіся яркія ўражанні.
Асаблівая каштоўнасць дадзенага мерапрыемства ў тым, што яно прымусіла непаўналетніх задумацца пра сваю будучыню. Пасля наведвання судовага пасяджэння навучэнцы зрабілі выснову, што любыя ўчынкі не праходзяць беспакарана і за ўсе здзяйсняныя дзеі трэба несці адказнасць.