Стартавала штогадовая Рэспубліканская дабрачынная акцыя "Дзень абароны дзяцей з БРСМ", прымеркаваная да Міжнароднага Дня абароны дзяцей. Валанцёры атрада "Твары дабро!" першаснай арганізацыі ГА "БРСМ" ДУА "Крошынская сярэдняя школа" Баранавіцкага раёна ў рамках акцыі сабралі падарункі, якія ўключалі ў сябе канцылярскія тавары, прадметы для мастацкай творчасці, настольныя гульні. Сабраныя падарункі былі ўручаны дзецям з прыёмнай сям'і і выхаванцам Дзіцячага дома сямейнага тыпу ў аграгарадку Крошын. Дзеці-гэта адзін з самых неабароненых слаёў насельніцтва, які патрабуе ўвагі і падтрымкі. Не будзьце ў баку! Дапамагаць важна і трэба!