У суботу, 29 верасня, у музеі-сядзібе паэта ў вёсцы Завоссе адбылася юбілейная ўрачыстасць, прысвечаная 220-годдзю з дня нараджэння Адама Міцкевіча, «Адамаў шлях пад вечным небам».
Навучэнцы 6-9 класаў нашай школы наведалі гэтую ўрачыстасць, сталі ўдзельнікамі адкрыцця свята, паглядзелі тэатралізаванае прадстаўленне "Ёсць у мяне зямля, край светлых мрояў". Усе жадаючыя прагуляліся па гандлёвых радах, дзе была прадстаўлена сувенірная прадукцыя і кнігі, набылі сабе памятныя сувеніры.
Навучэнцы таксама наведалі выставу работ майстроў народнай творчасці, назіралі за майстар-класамі па кавальскай справе, разьбе па дрэве, ганчарстве.
Праграма ўрачыстасці была насычанай і цікавай. Усім вучням вельмі спадабалася.