Дзень Кастрычніцкай рэвалюцыі - гэта яшчэ адна нагода асвяжыць у памяці старонкі гісторыі нашай Радзімы. Варта паважаць і шанаваць усе моманты гісторыі краіны, каб не здзяйсняць ранейшых памылак і пераймаць любы вопыт папярэдніх пакаленняў.

У аграгарадку Крошын 7 лістапада прайшло ўскладанне кветак да помніка У.І.Леніна. Урачыстая цырымонія традыцыйна праходзіць кожны год у Дзень Кастрычніцкай рэвалюцыі.

Удзел ва ўскладанні прынялі намеснік старшыні Баранавіцкага райвыканкама Міхаіл Барысевіч, старшыня раённай ветэранскай арганізацыі Іван Лычкоўскі, першы сакратар райкама БРСМ Вольга Карповіч, дэпутаты, прадстаўнікі грамадскіх аб'яднанняў, жыхары аграгарадка, школьнікі.